MINISTRU IVO VALENTE FÓ-POSSE BA XÉFI DEPARTEMENTU NAIN NÉN IHA POLÍSIA SIENTÍFIKU INVESTIGASAUN KRIMINÁL

DÍLI, PSIK – S.E. Ministru Justisa Ivo Valente ne’ebé akompaña hosi Komisáriu Komisaun Funsaun Públika Sr. José Tello, Diretór-Jerál Ministériu Justisa Sr. Henrique de Oliveira Ximenes no Diretór PSIK Vicente Fernandes e Brito fó-posse ba Xéfi Departementu nain-6 ne’ebé sei hala’o nia kna’ar iha Polísia Sientífiku Investigasaun Kriminál (PSIK) iha Aula Sentru Formasaun Investigasaun Kriminál, Díli, Kuarta-Feira (08/02/2017).

LEI RAI – REJIME ESPESIÁL KONA-BA DEFINISAUN TITULARIDADE BENS IMÓVEIS HETAN APROVASAUN HO UNANIMIDADE IHA PARLAMENTU NASIONÁL

DÍLI, PN – S.E. Ministru Justisa Ivo Valente ne’ebé akompañadu hosi Sekretáriu Estadu Terras e Propriedades Jaime Xavier Lopes no tékniku Ministériu Justisa nian tuir plenária Parlamentu Nasionál (PN) ba aprovasaun Lei Rai – Rejime Espesiál kona-ba Definisaun Titularidade Bens Imóveis iha Plenária Parlamentu Nasionál, Díli, loron Segunda-Feira (06/02/2017).

MINISTRU IVO VALENTE SIMU VIZITA KORTEZIA HOSI SECRETÁRIA DE ESTADO DOS NEGÓCIOS ESTRANGEIROS E DA COOPERAÇÃO PORTUGÁL IHA DÍLI

DÍLI, MJ – S.E. Ministru Ivo Valente simu vizita kortezia hosi Secretária de Estado dos Negócios Estrangeiros e da Cooperação Portugál Sra. Teresa Ribeiro iha Sala Reuniaun Ministériu Justisa, Díli, loron Sexta-Feira (03/02/2017).

Vizita kortezia kuaze minutu 40 ne’e, aliénde ko’alia progressu kooperasaun Portugál ho Timor-Leste iha área justisa, lider nain-rua ne’e mós troka lembranças ba malun hodi hametin liután lasu amizade entre nasaun rua ne’e.

MINISTRU IVO VALENTE HALO DESPEDIDA BA MEMBRU FOUN PSIK NE’EBÉ MAK SEI TUIR FORMASAUN IHA PORTUGÁL

DÍLI, PSIK – S.E. Ministru Justisa, Ivo Valente halo despedida ba membru foun Polísia Sientífiku Investigasaun Kriminál (PSIK) hamutuk ema nain 30 ne’ebé mak sei ba tuir formasaun durante fulan-hitu iha Portugál iha Aula Reuniaun PSIK Caicoli, Díli, loron Kinta-Feira (02/02/2017).

MINISTRU IVO VALENTE ENTREGA SERTIFIKADU NASIONALIDADE BA SIDADAUN ESTRANJEIRU IHA DÍLI

DÍLI, DNRN – S.E. Ministru Justisa, Ivo Valente liu hosi Diresaun Nasionál Rejistu Notariadu (DNRN) fó sertifikadu nasionalidade ba sidadaun estranjeiru sira hamutuk ema nain 69 atu sai sidadaun Timorense tuir pré-requisito do casamento e naturalização iha Sala Reuniaun DNRN, Mandarin Díli, loron Segunda-Feira (30/01/2017).

MINISTRU IVO VALENTE PREZIDE REUNIAUN KONSELLU JERÁL CENTRO DE FORMAÇÃO JURÍDICA E JUDICIÁRIO IHA DÍLI

DÍLI, CFJJ – S.E. Ministru Justisa, Ivo Valente ho kualidade hanesan Prezidente Konsellu Jerál prezide reuniaun Konsellu Jerál Centro de Formação Jurídica e Judiciário (CFJJ) ne’ebé partisipa hosi Prezidente Supremu Tribunál Justisa, Prokuradór-Jerál Repúblika, Defensór Públiku-Jerál, Prezidente Konsellu Jestaun no Disiplina Advokasia no Diretora CFJJ iha Sala Reuniaun CFJJ, Caicoli, Díli iha loron Kinta-Feira (26/01/2017).

Páginas